اخبرنى صديق انه ركب توك توك من فترة .. لقيتوا مشغل اغنيه
Young and beautiful و بيدندن معاها.. قلتلوا اغنيه ايه دي يسطي علي سبيل
اشوفوا فاهم ولا بيذرب اي كلام.. قالي دي اغنيه Lana Del Rey اسمها
Young and beautiful و حكالي الاغنيه بتتكلم عن ايه و المغنيه جنسيتها ايه و
غنيتها في البوم ايه و أغانيها السينجل ايه...
بعد ما الاغنيه خلصت اشتغلت اغنيه تانيه بتاعت مدحت صالح اسمها " زي العادة " ..
قلتلوا انتا عارف ان الاغنيه دي متاخده من اغنيه فرنساوي!! .. قالي الاغنيه دي مش متاخده..
الاصح انك تقول انها مسروقه لان مش نفس شركه الانتاج اللي انتجت
الاغنيه.. و كمان هي مسروقه من اغنيه Comme d'habitude بتاعت
Claude Francois و كسرت الدنيا ساعتها.. وبعدين اخدها فرقه 123 soleils او
الشموس التلاته خالد و رشيد طه و فضيل و غنوها مره عربي " زي العاده" للعرب
المغاربة و مره فرنساوي للعرب المغاربة المهاجرين و متعتبرش سرقة لانها من نفس
شركة الانتاج.
انا :انت خريج ايه يا معلم ! هو : بكالوريوس هندسه تخصص مدني جامعه الزقازيق
دفعه 2006 بتقدير جيد و حضرتك!! انا : بكالوريوس زفت جامعه زفت بتقدير جيد جدا
هو : طب خد الكارت دا كلموا لو حبيت تشتري توك توك بالقسط.. عندوا تكاتك باجاج
هندي كويسه و محترمه..
انا : شكرا نزلني علي جنب يسطي.. قصدى يابشمهندس . ويا اسفاه على وضع خريجى الجامعات فى بلدنا !!!
تعليقات
إرسال تعليق